اهم 4 نقاط لازم تعرفهم قبل التقديم فى شغل كـ”Freelancer” جديد

وإيمان بان علمك بالشئ قبل دخولة أنفع بكتيير جداً بجهلك وهنا حاولت أوضح عدة نقاط من خبرتي البسيطة فى العمل الحر واللى اتمنى انها تفيد غيري لتوفير بعض من الجهد والوقت فى التجارب, خصوصاً الجدد فى فى مجال العمل الحر ليكون ملم بمعظم النقاط الاساسية للتقديم فى مشاريع.

1- إختار المناسب لمهاراتك:

بمعني انك تختار الشغل المناسب لمهاراتك والمقصود بالمناسب ان بلاش تختار شغل محتاج مهارة انت مش فاهمها او ملم بيها بشكل كويس سواء المهارة دي بسيطة او كبيرة وتقدم بيها على الشغل بأي غرض أو نية كـأن يخطر ببالك تجربة المهارة مع العمل ده أو تنوى تعلمها مثلاً سريعاً دون ممارستها لوقت كافي لأتقانها لانك فى الحالة دي هتكون مضغوط نفسياً مابين انهاء العمل والتعليم السريع فبالتالي هتأثر فى الشغل ولو شاء القدر وسلمت المشروع فى وقته فأكيد مش هيكون متقن بالشكل المطلوب, فاﻷنسب انك تقدم على المشروع السهل او المناسب لك ولقدرتك والناتج هيكون مرضي جداً وعلى الاقل وتضمن ان المشروع يتقييم بنسبة 5/5 وتاخد فيدباك حتى لو مشروع صغير أفضل ما يكون تقييم أقل ومشروع أكبر.

2- تحديد السعر: 

لازم تعرف ان الطبيعي لأي عميل ومن أولوياته إختيار جودة الشغل اولاً وثم السعر وإلا كان مكنش حدد سعر ثابت للمشروع قبل الاعلان عنه وبالنسبة لسعر الساعة لو قدمته قليل بفارق ملحوظ فهو بيتأكد من خبرته ومهاراتك قبل ما يختارك علشان سعرك قليل.

يعني بلاش تقلل سعر شغلك علشان انت جديد ومحتاج اي مشروع يضاف لسابقتك على الموقع واكتب السعر المناسب لتعبك وتقديرأ لشغلك. 

فـحل مشكلة اول شغل ليك على الموقع هو انك تضيف سابقة أعمل محترمة وتظبط Cover letter الخاص بيك و تضيف الشهادات اللى حصلت عليها وتخطي كم اختبار فى مجالك. وفى الحالة دي تضمن ان نسبة إختيار فى المشروع ماتقلش كتير عن فريلانسر قديم.

3- ثقافة العميل:

لازم تكون محنك وسياسي فى البيزنس بتاعك وتعرف ازاي تتعامل مع العميل زي ما هو بيحب وخصوصاً انك هتتعامل مع جميع الجنسيات وثقافات وشخصيات مختلفة.

على سبيل المثال لو لاحظت ان العميل جد جداً فى كلامة بلاش فانت اتعامل معاه بنفس درجتة فى الجدية والعكس لو لاحظت ان العميل funny حبتين مافيش مشكلة تكون funny زيه (بدون أفورة طبعاً).

ونقطة تانية المعتقد فأنت تستبعد المعتقدات عن الشغل نهائياً زي من فترة مصمم رفض شغل لانه شايف انه بيساعد فى نشر ثقافة مش عاجباه او دين غير دينه. يعني حاول تكون على دارية وثقافة كافية لتفصل المعتقد عن الشغل لطالماً انك مش هتأذي حد بشغلك.

4- إكتب Cover Letter “بيرفكت”:

النقطة دي لازم نوصفها قبل اي كلام بالمفتاح اللى العميل من خلالة هيقدر يدخل على بروفايك ويشوف شغلك ومهاراتك فبالتالي دا المفتاح الرئيسي لقبولك للمشروع وهنا ينطبق المثل”الجواب يبان من عنوانة”.

فأول شئ يتكتب “التحية” وبعدها تعرف نفسك سريعاً ومدى خبرتك فى المهارات اللى محتاجها المشروع, 

تبدأ توصف طريقة تنفيذ للمشروع هتكون إزاي وركز على كل جملة فى وصف فى المشروع من حيث الشروط ومدة التسليم والمتطلبات بالتحديد وترد عليها نقطة بنقطة وتوضح ده بشكل كويس. يعني تحسس العميل انك مهتم بكل طلباتة وإطلب واستسفر عن اي نقطة ناقصة ومحتاج تعرفها وأخراً إلقى السلام او تكفى Thank you.